مشروع كوافير للسيدات

 لا يخفى على الجميع هوس السيدات بالتجميل وكل ماهو جديد في هذا العالم، فكل سيدة تحب إن تظهر في أجمل شكل لها

وذلك لن يتم إلا بعد ذهابها لصالون التجميل المتعدد الإغراض والذي

 يتوفر فيه جميع ما تحتاجه المرأة لكي تصبح جميله 

ففي هذا المكان يمكن إن تغير لون شعرها أو ترطيب بشرتها      

وتنقيتها بالإضافة إلى الحصول على العناية التي تحافظ علي

جمالها، لذلك هذا المكان محبوب من جميع السيدات مهما كان مكلف

كان وفكرة إنشاء مشروع صغير صالون تجميل للسيدات تعد فكرة مربحة

جداً ولكن بشرط إن تنفذ على أراض الواقع بطريقة سليمة.

المتطلبات اللازمة في صالون تجميل السيدات:

محل فى مكان مفتوح يعنى مش شارع ضيق او متفرع  -1-

 ايجاره مايكونش عالى اوى تحسبا للظروف-2-

3- المكان مايكونش فيه كوافيرات كتيره او قريبه منك لان لو فيه كوافير قريب طبعا فاتح قبلك فاكيد كسب ثقة الناس واستحاله يسيبوه عشان حد جديد

4-  ياريت تكونى صنيعيه لو لاء يبقى حتجيبى صنيعيه بس تكون شامله ميك اب وفورم وصبغه وفرد ولازم انتى تاخديى كورس عشان تبقى فاهمه الدنيا ماشيه ازاى

-5- لازم تكونى معاها وهى بتفتح لحد ماتقفل المحل والا حتتسرقى حتتسرقى ماشى الكلام

-6- اعملى حسابك بعد التأمين واول شهر يدفع فى شهر او اتنين زياده على جنب لان ممكن المحل مايمشيش على طول وياخد وقت يبقى معاكى تدفعى ايجارك ماشى

-7- اما تفتحى يكون فى اول الصيف هجوم افراح بقى والنا س مش سقعانه وكسلانه يعنى تقدر تنزل فى اى وقت

-8- تعملى ورق مكتوب فيه كل اللى ممكن كوفيرك يقدمه والعنوان والتليفون واسم المحل

-9- افتتاح للمحل والافته تكون ظاهره وكبيره على باب المحل
 اسم خفيف ويشد للمحل
 كده خلصنا الحاجات الاساسيه تعالى بقى الامكانيات
    متطلبات المشروع

 1_2سشوار الاحمر ب300او 350
2مكواه شعر بلاش السيراميك هاتى اللى بتتحط على النار يعنى 150الاتنين لومنسوق الجمعه وبتعمللها مواسر وكده بس مش عارفه ازاى بصراحه
 2-سوسست شعر دى بالدسته
 وسوست كرلى ناسيه اسمها وكلبسات وفرنشات وفرشتيت سشوار ومشطين تفريق وفازلين اصفر

    علبتين وكريم تصفيف علبتين واربع انواع ماسك ونوعين او تلاته حمام كريم وبلسم وشامبو وعلبه البخار للوجه فى اماكن بتبعها ب60 و80و90 وطالع وطاقية الصبغه
-الماكياج مش لازم علبه هاتى اقلام كحل الوان هاتى ايشادو حلوه
 هاتى مسكره نضيفه وايلينر وكام لون روج ومانيكير واسترسات اظافر وجه وعدة باديكير نضيفه واستاند كام دور عشان ترصى فيه الحاجت دى السوسست والمنيكير وعدة الباديكير ويستحسن يكون استانلس وحتعملى رف خشب لحمامات الكريم والشامبو والبلسم ورف تانى عشان الماسكات ومقصين قص شعر كل ده حتلاقيه فى المنشيه في واحد مشهور هناك اسمه حسن السنان لادوات الكوافيرات وعنده كمان كراسى
 حتجيبى _2كرسى كبار كوافير الواحد حيعمل 500 او 600 فاصل مع الراجل
 وكرسى شطف بحوض مش عارفه عامل كام _حتقرائى بقى الوسيط حتلاقى عرضين كنب جلد ومكاتب جلد حتجيبى كنبه كبيره جلد حتعمل حوالى 100 او 150مش اكتر يمكن اقل حتجيبى بتاع الزجاج وحتعملى ياخد المقاس وتعملى مرايات كبيره وحتجيبى رخامه كبيره او حتعملى عند الراجل بمقاس بردو جزء زى السراحه كده ده اللى بيكون اودام الكراسى مكان الرخامه ولازق فيه من تحت كده دراج ورف صغير يتحط فيهم المرايل بتاعة الشطف والمكياج وكده ويتعلق على ماسورتين بتعمليهم عند الحداد واربع فوط ولو فيه جنب فى الحيطه فاضى بيتباع دلوقتى مناظر للحيطه كانك النفاش عاملك جنب ورخيصه فى فلمنج محل للحاجات دى لو جنب 3متر ب30جنيه المنظر -وستاره على الباب كبيره وثقيله عشان محدش يكشف اللى جوه
 -و3بكرات خيط كبيره اللى بتبقى عامله زى الاسطوانات بردو كل ده حتجيبيه من مكان واحد السشوارات والكراسى والاوازم كلها تكونى محضره عربيه لانك حتاخدى كل ده مره واحده وتكونى خلصتى الاول البياض والمرايات واليافته والستاره وبعدين تروحى تشترى وتفرشى على طول نسيت تجيبى علبة فرد او لو حتستعملى الفرد النضيف والكرياتين بقى ده حاجه تانيه هنا
 لو عايزه وبتجيبى انواع صبغه وازاة اكسجين وبودر تفتيح الربع ب15 جنيه هاتى البيضه انضف ممكن تكون ب20 الربع كتير اوى خلى بالك حلو يعنى  التكاليف بقى حتدخل معاكى فى حدود10 الاف جنيه مش اكتر

العمالة:

يمكن اختيار عاملة متخصصة على قدر كبير من الحرفية ويمكن

الاستعانة بأخرى في حالة زيادة العملاء في أوقات معينة مثل

المواسم والأعياد ومواسم الأفراح
وغيرها.

تسويق المشروع :

طباعة فليرات دعائية.

تقديم أسعار وعروض جيدة للزبائن.

 اختيار مكان مناسب.

 تقديم الخدمات بجودة عالية.

 عمل إعلانات في الجرائد المحلية.عمل حملات على الانترنت واستهداف السيدات في المنطقة

المقام بها المشروع 
ملحوظة
الارقام في دراسة الجدوي قد تختلف اختلافا بسيط عن اسعار السوق