منحة اليابان 2017

لكل اللي بيفكر يقدم على منحة وزارة التربية و التعليم اليابانية (عن طريق سفارة اليابان بالقاهرة)، أعيد نشر الموضوع

اللي كتبته عن إجراءات وشروط الحصول على المنحة دي، فيا ريت تقرأوه كويس، واللي عنده أستفسار، يا ريت يتواصل معايا.

*ملحوظة: ميعاد التقديم للمنحة دي بيكون شهر إبريل من كل سنة، فيا ريت اللي حابب يقدم للمنحة دي يبدأ التحضير من دلوقت.

لكل اللي عايز يسافر يدرس في اليابان

في البوست ده هنتكلم عن المنح اللي بتقدمها الحكومة اليابانية، ممثلة في وزارة التربية و التعليم اليابانية، و عن طريق سفاراتها في الخارج، للطلبة الراغبين في السفر للدراسة في اليابان للحصول على درجات الماجيستير و الدكتوراة، بمعني أخر البوست ده موجه بصورة أساسية لل Graduated أو الخريجين من الجامعات المصرية.

المنحة أسمهاMEXT Scholarship ولو دورت عليها على جوجل هتلاقي اللينك ده، بتاع السفارة اليابانية في القاهرة:

http://www.eg.emb-japan.go.jp/e/study/index.htm
g/http://mashro3y26.blogspot.com.eg/
وفي اللينك ده هتلاقي مجموعة من اللينكات المتصلة بالمنحة من للسنة دي 2017 .

ولو فتحت اللينك هتلاقي الشروط بتاعت المنحة كلها موجودة فيها، كمان هتلاقي كل الورق اللي هما محتاجينك تقدمه في المنحة موجودة.
 متقلقوش، هنشرحلكم كل حاجة إنتوا محتاجينها.

أهم شروط المنحة دي هي الشروط الاتية:
11. لازم تكون عايز تعمل ماجيستير أو دكتوراة في نفس التخصص اللي إنت كنت بتدرس فيه في الجامعة (يعني مثلا مينفعش واحد كان بيدرس طب في الجامعة، يقدم على إنه ياخد ماجيستير في الهندسة من اليابان، الكلام ده مش مقبول إطلاقا)، فلازم يكون التخصص اللي عايز تعمل فيه الماجيستير و الدكتوراة هو نفس تخصصك في الجامعة.
22. لازم نلاحظ إن تخصصات زي الطب و الصيدلة و طب الأسنان و كده مش هيكون مسموح ليهم العمل في تدريب ميداني في المستشفيات و كده.
33. الجنسية: لازم تكون جنسيتك هي نفس جنسية البلد اللي بتقدم فيها (في السفارة اليابانية الموجودة في البلد دي) يعني المصري بس هو اللي يقدم في سفارة اليابان في مصر، و السعودي يقدم في السعودية، وهكذا، مينفعش مثلا واحد من جنسية تانية (سوري أو عراقي مثلا) يقدم في المنحة في سفارة اليابان في مصر مثلا.
4. العمر: لازم يكون عمرك أقل من 344 سنة وقت التقديم على المنحة (اللي هو غالبا بيكون شهر أبريل من كل سنة).
55. مستوى اللغة اليابانية (وده شرط لخريجي أقسام اللغة اليابانية فقط): لازم يكون المتقدم من خريجي الأقسام دي حاصل على N2 أو N1، أما باقي التخصصات، فلا يشترط بتاتا المستوى في اللغة اليابانية.
66. الحالة الصحية: على المتقدم للمنحة أن يكون متمعا بحالة صحية جيدة تؤهله للدراسة و السفر لليابان (وبيكون هناك شهادة صحية بيقدمها كل المتقدمين بتثبت إنه بحاله صحية جيدة).
77. الوصول لليابان: يجب أن يكون المتقدم قادر على السفر للدراسة في اليابان شهر أبريل أو شهر أكتوبر من العام التالي للتقدم للمنحة. (يعني لو متقدم 2017، لازم تكون مستعد للسفر لليابان في أبريل أو أكتوبر 2018)
88. مدة المنحة: مدة المنحة بتكون سنتين للي بيسافروا في شهر أبريل، أو سنة ونصف للي بيسافروا من شهر أكتوبر، وده بيشمل كورس لمدة 6 شهور (لأصحاب التخصصات الأخرى غير تخصص اللغة اليابانية)، و المنحة قابلة للمد في حال الإتفاق ما بين الطالب و الدكتور المشرف عليه، بعد الإتفاق مع وزارة التربية و التعليم اليابانية.
99. مبلغ المنحة: الأشخاص اللي بيحصلوا على المنحة بيبقوا قادرين على الحصول على مبلغ شهري من وزارة التربية و التعليم اليابانية قيمته 146000 ين ياباني (حوالي عشرة ألاف جنيه مصري قبل التعويم، فشوف دلوقت يعمل كام)، و المبلغ ده كافي لإقامته و مصاريفه الشخصية و على الدراسة كمان، كمان المنحة بتقدم له تذكرة ذهاب و إياب لمصر مرة واحدة، أما لو حابب إنه يرجع مصر أثناء فترة المنحة، بيكون على نفقته الشخصية.
أما عن إجراءات المنحة بقى فهي كالتالي:
1. تقديم الأوراق المطلوبة للسفارة اليابانية في بلدك في الميعاد اللي بتحدده السفارة
هتلاقي الأبليكشن المطلوب منك للمنحة في اللينك اللي معموله شير
بس خد بالك كويس و إنت بتملأ الأبليكشن، عشان كده  أقروا اللينك ده كويس و إنتوا بتكتبوا الأبليكشن

كمان هتلاقوا كل الورق المطلوب منكم تحضيره في نفس اللينك، فيا ريت تبصوا عليه كويس جدا.

من الحاجات اللي لازم تبقوا عارفينها إن السفارة بتطلب منكم ترشيح 3 دكاترة ب 3 جامعات عشان تروحوا تدرسوا فيها في اليابان، الحاجات دي ممكن تلاقوها في اللينكات الأتية:

1. لينك لأحسن 30 جامعة في اليابان: http://www.nigelward.com/top30.html
22. لينك خاص بكل الإرشادات اللازمة للدراسة في اليابان:http://www.studyjapan.go.jp/en/index.html
3. لينك للبحث عن أي دكتور بأي تخصص في أي منطقة في اليابان: http://researchmap.jp/

فإنتوا محتاجين تطلعوا من اللينكات دي 3 جامعات ب 3 دكاترة في نفس تخصصكم و تكتبوا أسماءهم في ال Placement Preference Sheet 
 من الحاجات التانية المهمة جدا في التقديم على المنحة دي حاجة أسمها "خطة البحث"، ودي بتبقى بمثابة "خارطة الطريق" للبحث بتاعك أو المسار اللي إنت هتمشي عليه في البحث اللي إنت هتعمله في اليابان. 
وده لينك بيقولك إزاي ممكن تكتب خطة بحث محترمة و تقدمها: http://www.wikihow.com/Write-a-Research-Proposal
http://mashro3y26.blogspot.com.eg/

2. بعد ما السفارة بتعلن نتيجة الورق اللي أتقدم ليها، الناس اللي تم قبول أوراقهم بيخضعوا لأمتحانين في اللغة الإنجليزية و اللغة اليابانية (كل الناس مطالبة بحضور الأمتحانين، ولكل أمتحان الياباني مش لازم الناس اللي مش بتعرف ياباني تجاوب فيه، مجرد بس إنك بتحضر و تكتب اسمك و رقمك و تروح يعني).
33. بعد إعلان نتيجة الأمتحانين، الناس اللي نجحت بتبقى مطالبة بالخضوع لإنترفيو في السفارة، بيسألوك فيه عن خطة البحث بتاعك (عن الموضوع و عن ليه عايز تسافر اليابان عشان تعمل البحث ده)، و الهدف الأكبر من الإنترفيو ده هو إنه يتأكد إنك مش عايز تروح اليابان لمجرد السفر، لأ، إنك عايز تروح عشان تعمل البحث ده اللي إنت مش هتعرف تعمله في أي حتة غير في اليابان، كمان عشان يتأكد إنك عندك القابلية و القدرة على السفر و المعيشة و الدراسة في اليابان.
4. بعد إعلان نتيجة الأمتحان و الإنترفيو، الناس اللي إتوافق عليها، بيعملوا لهم Orientationn و بيقولوا لهم إنهم أخدوا الموافقة المبدئية من السفارة اليابانية على السفر للدراسة في اليابان، و إنهم عشان ياخدوا الموافقة النهائية من وزارة التربية و التعليم اليابانية، لازم يجيبوا موافقات مكتوبة من 3 دكاترة ب 3 جامعات يابانية إنهم موافقين على الإشراف عليهم في المنحة، و بيقدموا الموافقات دي للسفارة اليابانية في الميعاد المحدد و السفارة بتبعت الموافقات دي لوزارة التربية و التعليم، عشان تحدد الجامعة اللي إنت هتروح فيها.

يا ريت يا جماعة كله يقرأ البوست كويس، ولو عندكم أي استفسارات، السفارة اليابانية معينة دكاترة مستشارين للرد على أسئلة الراغبين في الحصول على المنح بتاعت السفارة، و ده لينك بالمواعيد و طرق الإتصال للوصول ليهم:

http://www.eg.emb-japan.go.jp/e/study/index.htm
اضغط هنا

و أرقام المركز الثقافي في سفارة اليابان بالقاهرة، لأي أستفسارات هي: 02-25285903 / 25285904